Hafez

Дарди моро нест дармон, алғиёс

Ғазали 91

Дарди моро нест дармон, алғиёс,
Ҳаҷри моро нест поён, алғиёс!

Дину дил бурданду қасди ҷон кунанд,
Алғиёс аз ҷаври хубон, алғиёс!

Дар баҳои бӯсае ҷоне талаб
Мекунанд ин дилситонон, алғиёс!

Хуни мо хӯрданд ин кофирдилон,
Эй мусулмонон, чӣ дармон, алғиёс!

Ҳамчу Ҳофиз рӯзу шаб бе хештан
Гаштаам сӯзону гирён, алғиёс!

Андешаатонро баён кунед

Пайгирӣ кунед