Hafez

Махмури ҷоми ишқам, соқӣ, бидеҳ шаробе

Ғазали 432

Махмури ҷоми ишқам, соқӣ, бидеҳ шаробе,
Пур кун қадаҳ, ки бе май маҷлис надорад обе.

Васфи рухи чу моҳаш дар парда рост н-ояд,
Мутриб, бизан навое, соқӣ, бидеҳ шаробе!

Шуд ҳалқа қомати ман, то баъд аз ин рақибат
З-ин дар дигар наронад моро ба ҳеч бобе.

Дар интизори рӯят мову умедворӣ,
Дар ишваи висолат мову хаёлу хобе!

Махмури он ду чашмам, оё куҷост ҷоме?
Бемори он ду лаълам, охир, к-ам аз ҷавобе?

Ҳофиз, чӣ мениҳӣ дил ту дар хаёли хубон?
Кай ташна сер гардад аз ламъаи саробе?!

Андешаатонро баён кунед

Пайгирӣ кунед