Тоифаи риндон ба хилофи дарвеше бадар омаданд ва суханони носазо гуфтанд ва бизаданду биранҷониданд. Шикоят пеши пири тариқат бурд, ки чунин ҳоле рафт.

Гуфт:

- Эй фарзанд, хиркаи дарвешон ҷомаи ризост. Ҳар кӣ дар ин кисват таҳаммули бемуродӣ накунад, муддаъисту хирқа ба ӯ ҳаром:

Дарёи фаровон нашавад тира ба санг,
Ориф ки биранҷад, тунукоб аст ханӯз.

* * *

Гар газандат расад, таҳаммул кун,
Ки ба афв аз гуноҳ пок шавӣ.
Эй бародар, чу хок хоҳӣ шуд,
Хок шав, пеш аз он ки хок шавӣ.

Саъдии Шерозӣ. ГУЛИСТОН. Душанбе, «Маориф ва фарҳанг», 2008, 232 саҳ.