Дар дасти ғами ёри дилором бимондам

Дар дасти ғами ёри дилором бимондам,
Ҳушёртарин мурғаму дар дом бимондам.

Бурдам надаби ишқ зи хубони ҷаҳон ман,
Аз дасти дили сода саранҷом бимондам.

Як гом ба коми дили худкома ниҳодам,
Саргашта ҳама умр дар он гом бимондам.

Оташ задам андар дил, то ҷумла бисӯзад,
Дил сӯхта шуд охиру ман хом бимондам.

Бар боми тамаъ рафтам, то васл бубинам,
Бишкаст қазо пояму бар бом бимондам.

Ёрон ҳама рафтанд зи айёми ҳаводис,
Афсӯс, ки ман дар кафи айём бимондам.