Сапедадам бидамиду сапеда месояд

Сапедадам бидамиду сапеда месояд,
Ки Вайси рӯз рухи хешро биёрояд.

Ғуломи рӯзи дилам, к-ӯ ба ҷой сад сол аст,
Сапеда чиҳраи дилро ба кор менояд.

Сапедии рухи ин дил сапедҳо бахшад,
Ки тоси чарх ҳавошишро напаймояд.

Сапедаро чу фурӯ шуст шаб ба оби сиёҳ,
Рухи аҷузаи дунё, бибин, чиро шояд?!

Бидиҳ аҷузаи зарроқро ҳазор талоқ,
Дами аҷуза ҷавонитро бифарсояд!

Бирон ту дев зи худ, пеш аз он, ки дев шавӣ,
Вагарна ман Хамушам, анқариб бинмояд!

Мавлоно Ҷалолуддини Балхӣ. 800 ғазали дилошӯб. — Душанбе: «Адиб», 2007, 856 саҳ.