Ёр даромад зи боғ бехуду сармаст дӯш

Ёр даромад зи боғ бехуду сармаст дӯш,
Тавбакунон тавбаро сел бибурдаст дӯш!

Ошиқи садсолаам, тавба куҷо, ман куҷо?!
Тавбаи садсоларо ёр даришкаст дӯш!

Бодаи хилватнишин дар дили хум маст шуд,
Хилвати тавбашикан маст бурун ҷаст дӯш!

Валвала дар кӯ фитод, ақл даромад, ки дод,
Муҳтасиби ақлро даст фурӯ баст дӯш!

Мавлоно Ҷалолуддини Балхӣ. 800 ғазали дилошӯб. — Душанбе: «Адиб», 2007, 856 саҳ.