Махмураму пурхора, андоза намедонам

Махмураму пурхора, андоза намедонам,
Ҷуз шеваи он ғамзай ғаммоза намедонам!

Ёрон бахабар буданд, дарвоза бурун рафтанд,
Ман бераҳу сармастам, дарвоза намедонам!

З-овозаи он ёрон чун мушк ҷаҳон пур шуд,
З-овоз бишуд ақлам, овоза намедонам!

То рӯйи туро дидам ман ҳамчу гули тоза,
Гаштам харифу¹ куҳна, ар тоза намедонам!

Гӯянд, ки Луқмонро як козаи танге буд,
З-ин кӯза майе хурдам, к-он коза намедонам!


¹ Фартут, камақл.

Мавлоно Ҷалолуддини Балхӣ. 800 ғазали дилошӯб. — Душанбе: «Адиб», 2007, 856 саҳ.