Ё Раб, тавба чаро шикастам?!

Ё Раб, тавба чаро шикастам?!
В-аз луқма даҳон чаро набастам?!

Гар васваса кард гирдпечам,
Дар печиши ӯ чаро нишастам?!

Охир дидам ба ақл мавзиъ,
Сад бору ҳазор бор растам!

Аз бандагии Худо малӯлам,
Зеро ки ба ҷон гулӯпарастам!

Чун бар дили ман нишаста дуде,
Чун зуд чу гард барнаҷастам?!

Инҳо, ки набиштам аз надомат,
Он вақт набишта буд дастам!

Мавлоно Ҷалолуддини Балхӣ. 800 ғазали дилошӯб. — Душанбе: «Адиб», 2007, 856 саҳ.