Дили хунхораро якбора бистон

Дили хунхораро якбора бистон,
Зи ғам садпора шуд, якпора бистон!

Бикун ҷони маро имрӯз чора,
В-агар не, ҷон аз ин бечора бистон!

Ҳама шаб дӯш мегуфтам: «Худоё,
Ки доди ман аз он хунхора бистон!

Дили сангини ӯ чун рехт хунам,
Ту хуни ман зи санги хора бистон!»

Ба дасти дил фиристодам ду-се хат,
Яке хатро аз он овора бистон!

Дар он хат сурату ашколи ишқ аст,
Барои ибрату наззора бистон!

Дилам бо ишқ ҳамистора афтод,
Нахоҳӣ, ҷурм аз истора бистон!"

Мавлоно Ҷалолуддини Балхӣ. 800 ғазали дилошӯб. — Душанбе: «Адиб», 2007, 856 саҳ.