Гар танг будӣ ин синаи ман

Гар танг будӣ ин синаи ман,
Равшан нашудӣ ойинаи ман!

Ай хор гуле аз равзаи ман,
Дӯзах табише аз кинаи ман!

Хуршеди ҷаҳон дорад асаре
Аз карру фарри дӯшинаи ман!

Он кӯҳи аҳад пашмина шудаст
Аз рашки ману пашминаи ман!

Чун ҷавзи куҳан ишкаста шавӣ,
Гар нӯш кунӣ лавзинаи ман!

Аз баҳри дили ин шишадилон
Бошад барака дар чинаи ман!

Аз баҳри чунин ҷамъийяти ҷон
Ҳар рӯз бувад одинаи ман!

То тоза шавад пажмурдаи ман,
То мард шавад ъанинаи¹ ман!


¹ Сусткамар, импотент.

Мавлоно Ҷалолуддини Балхӣ. 800 ғазали дилошӯб. — Душанбе: «Адиб», 2007, 856 саҳ.