Ай сайди рухи ту шеру оҳу

Ай сайди рухи ту шеру оҳу,
Пинҳон зи куҷо шавад чунон рӯ?!

Чандон ки тавонияш, ту мепӯш,
Мебанд ниқоби тӯйи бар тӯ!

Дар равзани синаҳо битобид
Хуршед зи матлаъи тарозу!

Андар адаму вуҷуд афканд
Сад ғулғула ишқ, ки таъалву!

Ай қанди ду лаъли ту хирадсӯз,
В-ай тири ду чашми ту ҷигарҷӯ!

Сӣ байти дигар бихост гуфтан,
Мастеш кашид гӯш аз он сӯ!

Сӣ байт фурӯхтам ба як байт,
Байте, ки кушода шуд дар он кӯ!

Мавлоно Ҷалолуддини Балхӣ. 800 ғазали дилошӯб. — Душанбе: «Адиб», 2007, 856 саҳ.