Соқӣ, бидеҳ он шароби гулранг

Ғазали шумораи 344

Соқӣ, бидеҳ он шароби гулранг,
Мутриб, бизан он навой бар чанг,

К-аз зуҳд надидаам футӯҳе¹,
То кай занам обгина бар санг?

Хун шуд дили ман, надида коме,
Илло ки бирафт ном бо нанг.

Ишқ омаду ақл ҳамчу боде
Рафт аз бари ман ҳазор фарсанг.

Эй зоҳиди хирқапӯш, то кай
Бо ошиқи хаста дил кунӣ танг?

Гирди ду ҷаҳон бигашта ошиқ,
Зоҳид бинигар, нишаста дилтанг.

Ман хирқа фикандаам зи ишқат,
Бошад, ки ба васли ту занам чанг.

Саъдӣ, ҳама рӯз ишқ мебоз,
То дар ду ҷаҳон шавӣ ба як ранг.

Саъдии Шерозӣ


¹ Кушоиш.

Добавить комментарий

Ваш адрес email не будет опубликован. Обязательные поля помечены *