366
Ҷафо аз сар гирифтӣ, ёд медор!
Накардӣ, он чи гуфтӣ, ёд медор!
Бигуфтӣ: «То қиёмат бо ту ҷуфтам»,
Кунун бо ҷавр ҷуфтӣ, ёд медор!
Маро бедор дар шабҳои торик
Раҳо кардиву хуфтӣ, ёд медор!
Ба гӯши хасм мегуфтӣ суханҳо,
Маро дидӣ, ниҳуфтӣ, ёд медор!
Нагуфтӣ: «Хор бошам пеши душман»?!
Чу гул бо ӯ шукуфтӣ, ёд медор!
Гирифтам доманат, аз ман кашидӣ,
Чунин кардиву рафтӣ, ёд медор!
Ҳамегӯям итобе ман ба нармӣ,
Ту мегӯйӣ ба зафтӣ1, ёд медор!
Фитодӣ борҳо, дастат гирифтам,
Дигарбора бияфтӣ, ёд медор!
1 Дурушштӣ, сахоӣ, тундӣ.